مفيش مذاكره ولا ايـــــــــــــــــــــــــه

السلام عليكم احبتي في الله
عجبتني مذاكرات الاخ جمعاوي دي في الازمة الكبري الا اسمها "المذاكره" حبيت انقلها ليكم
يلا اهو اي حاجة تفكرنا اانا ضايعين زايه تمام ولازم نذاكر
والله المستعان

قبل
الوقت مايسرقنا ولان السنة بتجري وبتجري بسرعة كمان لازم وقفة ..يعنى تقوم
من مكانك اللى انت فيه و تاخد نفس عميق شهيق لجوه اوى .. وبعدين تطلعة
واحدة واحدة .. عشان تبدأ تستعد زى لمرحلة المذاكرة و الايام الصعبة اللى
احنا داخلين عليها . كان يامكان فى سابق العصر والزمان فى ولد اسمه جمعاوى
. ماكنش بيحب المذكرة خالص و بعدين جت مامته قالتله :انت مش ناوى تفتح
كتاب بقي و تشوف مستقبلك .. خش ذاكرلك كلمتين ينفعوك.

انا طبعا ما بحبش الكلام ده يعنى حتى لو عارف ان ورايا ك مذاكرة محتاجة
ميت سنة علشان تخلص برضو ما بحبش حد يجي يقولى خش ذاكر لانى بحس انى رجعت
عيل صغير تانى . صحيح انا كل الحاجات اللى بعملها بتأكد انى لسة عيل صغير
.الا انى بكره ان حد يعاملني على انى عيل صغير .

بعد ما اقعدت انا والحاجة ماما نتناقش فى جدوي المذاكرة و جدوي النجاح بل
ووصل الامر اللى التعدي على جدوي التعليم من اساسه . مالقتش قدامي غير انى
ادخل اتوضي واصلى العصر
بعد
ما توضيت حسيت انى هديت . صليت و قومت قعدت على المكتب . فكل اللى اعرفهم
بيذاكروا بيقعدو على مكاتب زي ده .المهم قولت اول حاجة لازم نحط خطة
مدروسة ومفصلة و منقحة لعملية المذاكرة لانى مفتنع جدا بالمثل الانجليزي
اللى بيقول "اف يو فيل تو بلان سو يو بلان تو فيل " طبعا المثل مالوش
علاقة بعالم الحيوان زي مانت فهمت بس هو معناه ببساطة " اذا فشلت فى
التخطيط فقد خططت للفشل " الخلاصة لازم خطة ولازم جدول عشان نبدأ باسلوب
علمي متحضر ,لان زى ما الكورة بقت علم ودراسة ومش بس حرفنه فالمذاكرة برضو
مش بس فهلوة و تفتيح مخ .انما لازم تجتهد و تحس بالمسؤلية اللى عليك وتاخد
بالاسلوب العلمي عشان توصل لنتيجة جيدة .

الحقيقة
انى ده حصل لى السنة اللى فاتت وكل الكلام اللى فوق ده "فلاش باك" لأن اول
غلطة احذرك منها هى انك تقعد تعمل جدول لمدة طويلة ..وتانى حاجة احذرك
منها انك تلغى الجدول من اساسه , المهم ده كله كلام يتقال لواحد فى سنة
خامسة انما احنا كبرنا على الكلام ده خلاص ,, وعارفين ازاى نذاكر .

النهاردة اول يوم فى العهد الجديد .. انتهي وقت اللعب و من النهاردة انا
واحد تاني ..بس المهم ربنا يوفقنا .نقعد على المكتب و نجيب ورقة بيضا
فاضية ونكتب المواد اللى بناخدها السنة دى . ايوة بالراحة .. طبعا مش فاكر
هما ايه ..معلش براحة خالص وماتقلقش بس اوعى تغلط وتتصل بحد من صحابك
تسأله لان ده له احتمالين يا يطلع واحد فاشل ويقعد يرغى معاك فى التليفون
ويضيعلك وقتك .. يإما يكون ولد شاطر و يقولك انت لسة هتبدأ ديلوقتى ماخلاص
اللى ذاكر ذاكر والكلام اللى يخليك تققفل الكتاب وتفتح الفيس بوك .

احسن حاجة نعملها اننا نجيب الجدول نبص فيه . تمام كده.. وبعد مانكتب
المواد نرتبهم تصاعديا حسب اوزانهم ..اقصد حسب دراجتهم ... وبعدين نقعد
نشوف ايه اللى ماتفتحش قبل كده .. طبعا هتلاقيهم كلهم ماتفتحوش يبقى
الطريقة مش هتنفع .نشوف حاجة غيرها . تمسك المادة اللى سمعتها وحشة فى
الكلية ومعروف انها غلسة دى تمسكها الاول ..وتحطها على جنب طبعا

وبعدين تمسك مادة مادة وتبدأ تذاكر ى ما انت متعود تذاكر . بس بلاش تذاكر زى حسن جارنا الله يرحمه

كان
حسن جارنا من اشطر اتنين فى عمارتنا -عمارتنا دور واحد - وكان بيعشق
المذاكرة وخصوصا فى البلكونة . يمسك الكتاب و يلف بيه طول النهار فى
البلكونة ولان البلكونة كانت على شكل دايرة بتدور حولين البيت كان حسن
يفضل يذاكر لحد ما يعمله مية وعشرن مية وتلاتين لفةعالاقل .المهم كان
يذاكر فى البلكونة وهو فاتح الراديو وماسك كوباية الشاى و معاة الملزمة .
حسن كان من عادته يفتح الراديو وهو بيذاكر قال ايه عشان ماينمش كان يحب
صوت يفضل جنبه . وديه غلطة تانية ممكن نعملها وهى اننا نشغل حاجة تشوش
علينا واحنا بنذاكر .لازم تكون مركز .. عشان تنجز لان انك هتقع تذاكر
الحاجة اللى تخلص فى ساعة هتذاكرها انت فى تلات ساعات او اكتر و ده طبعا
كلام معروف وكانت طانط تفيدة ام حسن جارنا دايما تقولوله الله يرحمه.. حسن
كان متعود يذاكر مع اصحابه كان كل يوم القاعدة عند واحد منهم يفضلو يذاكرو
لوش الفجر قال يعني بيشجعو بعض. لكن طانط تفيد مكنتش بترضي تخلية يروح لهم
كتير لانها عارفة ان حسن مابيعرفش يذاكر غير فى بلكونته.لكن حسن كان بيصر
يروح عشان مايحسش ان امه بتمشى كلامها عليه .كان بيسقط حسن الله يرحمه
اكتر ما بينجح.كان بيرغى فى التليفون بالساعات مع نسرين . مش عايز اتكلم
عن نسرين كتير لانها دمش معانا ديلوقتى . بس كانت اصيلة وعمرها ما نجحت
وسابت حسن .كانو يتكلمو مع بعض بالساعات . السنة الوحيدة اللى نجح فيها
حسن لما كان متخانق مع نسرين عشان شافها ماشية مع محسن .اوعى تذاكر زى
محسن لان محسن كان بيحب الاغاني جدا وكان عشان ما يزهقش ويقوم من على
المذاكرة كان بيعمل على الكومبيوتر بلاي لست طويلة تلات ساعات ويجبر نفسه
مايقومش من على المكتب غير لما الست تخلص .وطبعا كل ده تشتيت وتضيع وقت
..اتمني نتعلم الدرس من حسن ونسرين ومحسن ونبطل تضيع وقت بس اللى انا
مستغربله انك قاعد تقرا موضوع طويل عريض زى ده مع ان ده تضيع وقت ... فعلا
:مافيش فايدة .!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
هههههههههههههههههههههههههههههههههههه
مفيش مذاكره ولا ايـــــــــــــــــــــــــه 209319

مفيش مذاكره ولا ايـــــــــــــــــــــــــه 209319

مفيش مذاكره ولا ايـــــــــــــــــــــــــه 478789

مفيش مذاكره ولا ايـــــــــــــــــــــــــه 16277

مفيش مذاكره ولا ايـــــــــــــــــــــــــه 912918

يلا بالتوفيق للجميع
اتمنا تكون عجبتكم

ههههههههههههههههههههههههههههههههههههههههههههههه
هههههههههههههههههههههههههههههههههههههه

يخرب عقلك يا سالى حرااااااااااااام عليكى هى ناقصة فشل

لا بس موضوع جاى فى وقتة يعنى لو كنت فاشل تبقى فاشل اوووووووووووووووووووووووى

ههههههههههههههههه استر يااااااارب هى سنة باينة من اولها
كلها الوان قوس قزح وحلام بنجاح منقطع النظير
امتيز بالسلب ربنا يستتتتتتتتتتتتتتتتتتتترر

شكراااااااااااااااا يا سالى على الموضوع
وانا الحمد لله طلعت بعمل نص الغلطات اللى بتودى فى داهية والنص التانى فى السكة هههههههههههههههههه

هههههههههههههههههههههههههههههههههههههههههههههههههههههه
ضايعين يا مي باللي بنشوفة من حبه الدكاترة المعاتيه دول
تعرفي كل الا احنا فيه ده غلطة دكاترةربنا يتولانا ونلحق نفسنا السنة دي

يلا عقبال النص التاني وشدي حيلك عاوزين نسمع زغاريد بالمنتدي قريب
عاوزين كلما نقول يااااااااااااااااااااااااااااااااااااااااااااااااااااااااااااااااااااااااااااااااااااااااااااارب
يسيرهااااااااااااااااااااااااااااااااا علينا بالكابوس القادم

» اغنية(مفيش في للاغاني كده ومش كده
» مفيش اجمل من القاهــــــرة ليلا
» مبن قال الامتحانات صعبه مفيش اسهل منها