انت شخص غبى جدااااااا.......

لو حد قالك او انت قلت الجملة دي لنفسك احب اقولك انك غلطان..والعكس صحيح لو قلت لنفسك انك ذكي واذكى من غيرك...

اقرؤوا عشان تعرفوا انكم كلكم اذكياء..

طبعا اكيد كل واحد شاف في حياته واحد بيلعب بالارقام لعب وطبعا تقول عليه عبقري...في الموضوع ده هوضحلك انك ممكن تكون اذكى منه

اللي اتكلم في الموضوع ده عالم اسمه هاورد جاردنر سنة 1983 هقول اسم النظرية في الاخر لانه اسم غبي..
المهم هو حاول يوصل لمفهوم الذكاء بطريقة اوضح..في نظريته وضح انه لو ولد بيحسب كل حاجة بسرعة جدا مش شرط يكون في المحصلة اذكى من ولد تاني بيعاني..هو ممكن يكون اذكى منه لكن في نوع تاني من الذكاء..


تعالو بقى نشوف انواع الذكاء حسب النظرية



اولا


الذكاء الجسدي او الحركي




النوع ده بيتعلق بشكل اساسي بالحركة واللياقة..تلاقيهم يقدروا يتعلموا بسرعة اي شىء متعلق بحركة الجسم..


التعلم عندهم مع الحركة اسهل من القراءة والرؤية..




مجال عملهم..



الرياضة بجميع انواعها


التمثيل


البناء


الجيش




ثانيا


الذكاء اللغوي.




يتعاملون مع الحروف كما يتعامل علماء الرياضيات مع الارقام..هم محترفون قراءة وكتابة وقول القصص..يجيدون حفظ الكلمات..يجيدون الشرح..ويتميزون بقوة الاستنباط..حريفة كلمات متقاطعة..يحبون الدخول في مناقشات..ومحب للقراءة..





مجال عملهم..




كاتب


محامي


فيلسوف


سياسي


شاعر


مدرس


افضل مثال كبار علماء التفسير وقوة استنباطهم يدل على ذكائهم اللغوي..




ثالثا


الذكاء الرياضي والمنطقي




وهؤلاء من يعبرون عن المعنى القديم للذكاء..بمعنى هم دول اللي كانوا بيعتبروا اذكياء بس قبل النظرية دي.


ودول بيكونوا متخصصين حل الغاز والاستنباط المنطقي..محترفون رياضيات..يجيدون وضع كل شىء في مكانه المناسب مهتمين بالاكتشافات العلمية..يحبون معرفة كيف تعمل الاشياء..جيدون مع الكمبيوتر




مجال عملهم..




علماء


رياضيون


مهندسون


اطباء


اقتصاديون




رابعا


الذكاء المرئي




ودول عندهم قوة تخيل غير طبيعية..وذكاء في التعامل مع الصور يعني رؤيتهم مش زي اي شخص عادي..


ذاكرتهم المرئية عالية جدا..بيحيوا الفنون..بيعرفوا الطرق ويحفظوها بسهولة..وهذا النوع مرتبط بشكل كبير مع الذكاء الرياضي والمنطقي..ودول تلاقيهم بيرسموا كتير ويذوقوا كشاكيلهم..




مجال عملهم..




رسام


مهندس معماري


مهندس ديكور




خامسا


الذكاء الصوتي ويسمى الموسيقي ايضا




وهنا يتعلق بالذكاء السمعي عندهم حس عالي جدا بالموسيقى والاصوات..ينقد اي اغنية تجد الاغلبية يتقبلونها عادي فهم يسمع ما لايستطيع الاخرون سمعه..يجيد عزف اي مقطوعة على اي اداة بمجرد السمع..يحفظ الاشياء عن طريق وضعها في اغنية..كما له حس عالي جدا باصوات الناس..




مجال عملهم..




مغني


ملحن


مؤلف اغاني


واريد ان انوه هنا ان ليس كل واحد صوته حلو يعتبر تحت النوع ده..


من يجيد اخراج طبقات الصوت بحرفنة


ومتنسوش الاغاني حرام


وهنا اقول انه لا يتعلق بالموسيقى فقط فهناك من قراء القران لديهم حس عالي بطبقات الصوت ويظهر عليهم ذلك في تلاوتهم ومخارج الحروف




سادسا


الذكاء الاجتماعي




وهذا يجيد التعامل مع النفس البشرية..تقدر تقول بيقرا الافكار..مستمع جيد للمشاكل..يستطيع تمييز الكاذب من الصادق..يشعر بالجميع من حوله..جدع..اجتماعي ويستمتع بالحديث مع الناس..




مجال عملهم..




مندوب مبيعات


سياسي طبعا


مدراء


مدرسين


علماء اجتماع


دكاترة نفسيين




سابعا


الذكاء الذاتي




وهنا الشخص يجيد التعامل مع نفسه بشكل كبير..ويفهم طبيعته ودوافعه واهدافه..كثير التفكير والتامل..


تركيزه يصل الى اعلاه اذا كان لوحده..ويعشق القراءة..يستطيع الحكم على الناس..





مجال عملهم..





فلاسفة


كاتب


عالم


عالم نفسي


علماء الدين ايضا..




سابعا


الذكاء الطبيعي




وهنا متعلقة بالطبيعة والتعامل معها والنوع ده مكنش في النظرية الاول لانه عملها على مرحلتين..يجيدون التعامل مع الحيوانات والنباتات يجيدون التنبؤ بالطقس..عندهم قدرة عالية على التصنيف..




مجال عملهم..



علماء احياء


اي شىء متعلق بالزراعة


علماء بيئة





النظرية في ناس بينقدوها وخصوصا النوعين بتوع الطبيعة والذاتي..الا انه في جزء كبير من الصحة..والنظرية دي فتحت بشكل كبير الطريق لدراسة الذكاء من منطلق اوسع من القديم..


وبالتالي تمكننا من توزيع القدرات على الاعمال التي تناسبها..





طبعا بسبب نظام التعليم..ده بيخلي ناس كتير مواهبها متظهرش..ويظهر ناس اغبياء مع انهم يكونوا شديدي الذكاء ولكن من جهة اخرى..




صاحب النظرية بيقول انه الانواع دي نادرا ما تعمل بشكل منفصل عن بعضها ولكن معظم الاحداث بنستخدم الانواع المختلفة من الذكاء..




ذكاء كل شخص موزع على الانواع دي يعني ممكن تلاقي واحد متوزع عنده بالتساوي..ممكن تلاقي واحد سىء في معظمهم لكن يصل الى درجة العبقرية في نوع او نوعين..والدليل انك تلاقي معظم العلماء ياما ضعيف وهزيل الجسم او تلاقيه مش اجتماعي تماما..وهكذا..وممكن تلاقي واحد كويس في كله..




المطلوب من كل واحد يعرف قدراته ويشوف مكانها فين..التفكير الغلط للاسف واللي الظروف بتجبرنا عليه هو دخول كليات القمة..وكم من متفوق فشل فيهم..المسالة مش كلية قمة انت ممكن تبقى قمة في اي مجال تاني..المهم تعرف نفسك كويس...وهو ده سبب كتابتي للموضوع...

منقوووووووووووووووووووووووول