السلام عليكم ورحمة الله وبركاته
اليكم حوار بين الكنة وعجوزتها (حماتها).
يعني بين لعجوز وعروستها بالأمثال الشعبية
الجزائرية
العجوز(وهي تستفز كنتها بينما كنة تقوم بعمل البيت)
الله لا يخليني لليدين الله يخليني غابة والناس حطابة
(تدعي لربي يخليلها صحتها وتقوم بشغل البيت
يعني عروستها ماتعرفش تخدم)
تنطق الكنة وتقول(باينة الشقة على حواشيها)
العجوز(اضجك يافمي على همي)
تشكي همها من عروستها
الكنة(ايه عندك الحق) هم يبكي وهم يضحك
وتضحك على عجوز
العجوز( يعزيك في راسك الضحك يضحك على ضحك
والضحك يضحك عليهم)
يعني راهي تقول لكنها انتي مهبولة ومجنونة
بعد ماتخلص الكنة شغل البيت تتزين وتخرج
باش تغيض عجوزتها
العجوز(خاصك سواك يامعوجة لحناك)
يعني بدون تزين ماتشبهي لوالوا
وتقابل لعجوز مرآتها وتحسن مظهرها
الكنة( لي فاتوا وقتوا مايطمع في وقت الغير)
العجوز( الدنيا بالوجوه والآخرة بالفعايل)
يدخل الزوج او يلقاهم في حرب ويقول
كي سيدى كي لالا
(مسكين كسرولوا راسوا هههههههههه)
ابدوا يهدرولوا
قالهم!!!!!!!!!!!؟؟؟؟؟؟؟
المسلوخة تضحك على مذبوحة والمقطعة شبعت عليهم
ضحـــــــك......
ماهوا رأيكم في الحرب
شكرا
من طرف 
