الموضوع دة بدور علية من الصبح
اهلا حليم
شوف يا اممان على الرغم انى شفت الاعلان بتع الشريط مفكرتش حتى اسمعة لانة كان الجواب باين من عنوانة
بس لما لقيت كلامك وموضوعك قلتل لازم اسمع عشان مظلمش فى الحكم
بجد يا حليم مع احترامى لرايك بس انا مش فاهمة اية ولية المستوى دة من التعبير
حتى لو دى لغتنا الشبابية بس حتى لغتنا الشبابية لها مستوى من الالفاظ والكلمات هو نزل عنة
كل شيئ لة مستوى ممكن تعبر بنفس الطريقة بس باسلوب احسن واستخدام اسلوب وكلمات افضل
مثلا فن زى الراب مع انة ناس كتير تهاجمة بس فى حاجات فعلا هادفة وشبابية معبرة خاصة عن احوالنا ودى بتكون رائعة وتتسمع باستمتاع بجد
لكن عذرا الاخ ابو الليف دة مدمر الدنيا
والاغرب انة الكلمات ايمن بهجت قمر والحان توما وناس فعلا بتقدم حاجات مستوى
على الرغم انة يمكن ناس كتير بتسمع ابو الليف دة وبتردد كلماتة لكن مش قادرة اتقبلة شخصيا
ولو كلامك انة عجبك بسبب قصة كفاحة
حليم لو على قصص الكفاح ولو انى معتقدش ان فى الفن الحالى حاجة اسمها قصة كفاح لانة مفيش فن
فى ناس علماء وادباء لهم قصص كفاح بحق
سنواااااات من الظلم والتعب والبهدلة وفى النهاية وصلوا لمستوى عالمى وتم الاعتراف بهم
شخص زى زويل حد اليوم بيتظلم ويتبهدل وانت عارف كويس وهو زويل اللى فى هيئة علماء البيت الابيض الى اليوم فى مصر بيتظلم وبيعاملوا ناس تافهة ملهاش لازمة احسن منة
يمكن على كلامك ابو الليف دة هو اتظلم بس غيرة ناس تانية اتظلمت الف مرة واتظلمت فى حاجاتا مهمة اهم من الغناء والفن
حاجات تغير وتاثر فى البشرية كلها مش فى مجال ولا شعب بس
معلش دة رايي وفى النهاية لازم نختلف فى الرايي مع احترامنا لاراء بعض طبعا
من طرف 
