قالو الفلسطيني ممنوع يعيش?

فلسطيني ----- ممنوع تعيش
قالولك : اسكت ---- ماتحكيش
انت خلقت للتلطيش، للحواجز للمعابر للتفتيش

كتبوا علي جبينك ينداس ، من الضابط للشاويش
فلسطيني قالولك ممنوع تعيش

فلسطيني ممنوع تثور
مقهور و مش مسموح تكون ، اياك تطالب بحقك
اوعك بيوم تشوف النور
ممنوع تجدد هوية ، ممنوع تجدد بسبور
فلسطيني و بدك تتعلم !!! ، هاي الشغله ضد الدستور
فلسطيني لازم تتألم ، من دون ما يشوفك دكتور
فلسطيني ممنوع تتكلم ، و لا يطلع بجناحك ريش
فلسطيني ممنوع تعيش
***
فلسطيني بكل المطارات ، اسمك بالأحمر مكتوب
و على شباك مصلحة الجوازات ، كتبوا ع جبينك مطلوب
لازم تتوقف ساعات ، مذنب او من دون ذنوب
و يتوجه الك اتهامات ، انك سبب كل الحروب
كأنو بسببك الحق مات ، و العدل بأرضك مسلوب
و كأنك سبب النكسات ،و كل ازمات الشعوب
و كأنو بسببك مجرم فات ، ع جنين بلحظه الغروب
و دبّح صبيان وبنات ، و عجوز على امرها مغلوب
***
مع انو الحقيقه
انا الي بالدنيا ضحية
عملتوني ماده للغنى ، و قضية للي ما عندو قضية
انا الي راسي ما إنحنى ، بوجه الريح القوية
انا الي شعبي صمد ، في الضفه و بالرشيديه
انا الي شعبي انتفض ، و بحجر حارب دوريه
و اليوم و بكره و للابد ، عنا كلمه وحده هي

فلسطين عربيه
و راح تبقي عربية ، عربية و راح ترجع
زي ما وعد رب البرية.

أما أنا فأقول:

رغم هدا ....فهم فلسطنيون فهيهات من يكلمون أناس لأجل أرضهم يحاربون فهم جيش محمد على الإسلام يغارون ...أما نحن يا إخوان حان الوقت لنتعلم منهم لغة الصمود ...
فبإدن الله أنتم المنتصرون.