ازاي هتكون اغلس حد بالجامعة

ازاي تبقي اغلس واحد في جامعتك
حاجه كده اسبيشيال
هاتبقي مشهور شهرة لدرجه ان الناس لما تشوفك هاتجري منك

ركز بقي

فى الكلية هتقابل صاحبك وهتقعدوا على أى كافيه

هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه

وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم

لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر

نصائح منقولة من صاحبها
تحياتي اليكم شمس

ههههههههههههههههههههههههههه
ههههههههههههههههههههههه
اية الغلاسة البشعة دى
دى عدت مرحلة الغلاسة من زمااااااااااااااااااااااااان
ان شاء الله نجرب ننفذها بس ربنا يستر بقى هههههههههههههههه

ميرسىىىىىىىىىى على الموضوع
تسلمى......

:شكرا : :شكرا :

» ازاي اعمل توقيع ممكن مسااااااااااااااااعدة
» هااااااااااااااام للمصريين(ازاي تعرف موبيلك الصيني هتوقف ولا لا)