الراعي الرسمي لمنتدى اماكن
يعود بأفكاره المجنونة ويدخلنا مرة ثانية
في صندوق الأحلام الوردية
ومع هدا شكرا زعيم انا للحظة حسبتها صح رايح تبعتنا تداكر
وكنت رايحة نقوم نوجد روحي بصح غير خلصت موضوع
فتحت عينيا ولقيت روحي كنت فمنام من إعداد وتقديم خويا مروان
الدي ‘عتدنا منه الأفكار المجنونة
ومع هدا ومن يدري انت شاركتنا فكرة
و كانت عند الكثير حلما وغالب ما تتحقق الأحلام
لهدا أجيب عن سؤالك
لما تصلني الرسالة وفيها تدكرة السفر
فبعد الشكر لساعي البريد نروح نجري نوجد
واش نجيب معاي هدا في حالة انو أنا الي نستلم الرسالة
ماشي الوالد هنا رايح يكون كلام خلاف .وبعد حرماني من السفر أطرد من البيت
المهم بعد مانوجد روحي نستنا نهار الي نسافر فيه
العاصمة الأكيد رايحة نتلقا الجزائرين قبل
كيما خويا مروان وخويا رشيد وباقي الإخوة في حال قبلوهم الدعوة
خويا مروان رايحة نكون فرحانة غير نشوفك الأكيد اول حاجة نتفكرها
أيام شابة عديناها وأفكارك المجنونة رايحة نشوف خويا عمري ما شفتو...
خويا رشيد رايحة نجيبلك تشارك وبقلاوة هكداك تجيك الحرقة ساهلة أفضل
من الحرقة تاع ميناء جن جن المهم أنا غير نشوفك نقول ياسي شيد
علاه كنت تكرهني
المهم يوم اللقاء أكيد رايحة تحصل تعديلات
يمكن
مرايحش يبعتلي التدكرة حتى
وغير نتعرف على الجزائريين نروح نشري
شيبس وشكولا ونستنا الطيارة تاع المصريين تلحق معلش رايحة ننسى على المقاطعة مدة
اسبوعبس بعدين ارجع
هلا ومرحبا بمصريات ......حلو هدا لمنام حبست الطيارة
شوفو كيفاه مي هي الي تحبط حاملة
لافتة منتدى أماكن لا مكان لك غيرهأكيد مي هي الي رايحة تكون في الصدارة
اصلا الكل يكون نايم وكما تعرفون مي لا تحب النوم والنوم لا يحبها
وبعدها تنزل كبيرتنا أم ميما مع أولادها الكتاكيت وياله من منظر
وتأتي سالي
أنا متاكدة أول كلمة تقولها كيفك يا جزمة
ومنى رايحة تنزل مع دعاء كروان وباقي الاخوات
منظر روعة يا زعيم المهم نعدي وقت مليح مع بعض ولا تنسى
زعيم ما دمت الراعي الرسمي طبق الجلبانة على دوقك
ها وانبهك إعمل حسابك لازم تحظر فول مصري المصريين لايقدرون فراقه
ولا رايح يكون
يوم اسود علينا وأحنا ملناش في المشاكل .
وعملو حسابك زعيم باقي الأيام عندي سياحة على شواطئ جيجل
والأكيد تنوروها يا أهل اماكن
المهم أنا حلمت شوي برك لأنو لو تماديت في الحلم مرايحة أخلص لأدان الفجر
وعندي مريتين اجاوب على موضوع والنت يفسد علي دلك
ونشاله ادا بعتلي زعيم تدكرة رايحة نحلم كثر من هدا
ونعدل بعض الاحلام ألي قلتها دوقا
زعيم مرسي على موضوع
تحياتي مروان